„ინვიტრო ლაიფი“ არის სამედიცინო დაწესებულება, რომელიც სპეციალიზირებულია რეპროდუქციული მედიცინისა და უნაყოფობის მკურნალობაში და გთავაზობთ ისეთი დამხმარე რეპროდუქციული ტექნოლოგიების სრულ სპექტრს, როგორიცაა ინ ვიტრო განაყოფიერება (IVF), ინტრაციტოპლაზმური სპერმის ინექცია(ICSI) საშვილოსნოსშიდა ინსემინაცია(IUI), კვერცხუჯრედის, ემბრიონის,სპერმის გაყინვა და სხვ.

“ინვიტრო ლაიფის“ მომსახურებით შეუძლიათ ისარგებლონ წყვილებმა და ინდივიდებმა, რომლებიც განიცდიან უნაყოფობის პრობლემას და ასევე მათ, ვისაც სურს შეინარჩუნოს მისი ნაყოფიერება, სამომავლო გამოყენების მიზნით.

დამხმარე ტექნოლოგიები, როგორიცაა IVF და ICSI, შეიცავს გარკვეულ რისკებს, მათ შორის, საკვერცხის ჰიპერსტიმულაციის სინდრომი, საშვილოსნოს მილის გარე ორსულობა და სხვ. თუმცა, ეს რისკები შედარებით დაბალია და მათი მინიმუმამდე დაყვანა შესაძლებელია სათანადო სამედიცინო მეთვალყურეობით და მონიტორინგით.

უნაყოფობის მკურნალობის პროცესში, პაციენტები გადიან  მთელ რიგ სამედიცინო გამოკვლევებსა  და პროცედურებს, როგორიცაა ულტრაბგერითი კვლევა, კლინიკო-ლაბორატორიული კვლევები,  ინექციები მედიკამენტებით და სხვ. თქვენი ექიმი, თქვენთან ერთად შეიმუშავებს პერსონალიზებული მკურნალობის გეგმას, რომელიც მორგებული იქნება, თქვენს კონკრეტულ საჭიროებებსა და მიზნებზე.

სუროგაციის პროგრამის დროს, სუროგატი დედა (გესტაციური მატარებელი) ნაყოფს მუცლად ატარებს და ბავშვს ბიოლოგიური მშობლებისთვის აჩენს. როდესაც ორსულობა ან/და მშობიარობა, ქალის ჯანმრთელობის მდგომარეობის გამო, სახიფათო, ან შეუძლებელია – საჭირო ხდება სუროგაციის პროგრამის გამოყენება და მკურნალობის პროცესში სუროგატი დედის ჩართვა.

როდესაც ოჯახი ირჩევს სუროგატ დედას, მას პროცედურამდე სათანადო კვლევები უტარდება, რომელთა შედეგებითაც მისი რეპროდუქციული ჯანმრთელობა ფასდება და ამის შემდეგ უკვე ხდება ემბრიონის გადატანისთვის სუროგატი დედის საშვილოსნოს მომზადება.

ჩვენი კანონმდებლობის მიხედვით, გესტაციურ, სუროგატ დედებს არ აქვთ არანაირი უფლება ბავშვზე, მისი დაბადების შემდეგ. მოცემულობა, რომ მშობლები შესძლებენ ბავშვის სახლში წაყვანას ყოველგვარი დაბრკოლების გარეშე, მათ სიმშვიდის შეგრძნებას ანიჭებს.

კვერცხუჯრედის დონაცია არის დამხმარე რეპროდუქციული ტექნოლოგიებით მკურნალობის ნაწილი. პროცესი, სადაც კვერცხუჯრედის დონორი ნებაყოფლობით აბარებს თავის კვერცხუჯრედ(ებ)ს, რათა დაეხმაროს წყვილებს, რომლებსაც არ შეუძლიათ დაორსულება საკუთარი კვერცხუჯრედების გამოყენებით.

კვერცხუჯრედის დონაცია უშვილო წყვილებისთვის მაშინაა მიზანშეწონილი, როდესაც ქალის ორგანიზმში კვერცხუჯრედების მომწიფება არ ხდება, ან მათი ხარისხი ორსულობის შესაძლებლობას არ იძლევა.

თავდაპირველად, წყვილი ირჩევს კვერცხუჯრედის მათთვის შესაფერისს დონორს, რომელსაც უტარდება ყველა საჭირო გამოკვლევა. ამის შემდეგ, ხდება კვერცხუჯრედების აღება საკვერცხეებიდან – ფოლიკულების ასპირაციის გზით. ემბრიოლოგის შეფასების შემდეგ, მიღებული კვერცხუჯრედები  სპერმით განაყოფიერდება და მიღებული ემბრიონის გადატანა მოხდება პაციენტის საშვილოსნოს ღრუში.

უნაყოფობის მკურნალობის ღირებულება დამოკიდებულია უნაყოფობის გამომწვევ მიზეზებზე, მათ დიაგნოსტირებაზე და მკურნალობის მეთოდის შერჩევაზე. თქვენი ექიმი,თქვენთან ერთად შეადგენს მკურნალობის პერსონალიზირებულ გეგმას, რომელიც მაქსიმალურად მორგებული იქნება თქვენს საჭიროებებს და აგარიდებთ თავიდან ზედმეტ ხარჯებს. კონსულტაციაზე ჩასაწერად დაგვიკავშირდით ნომერზე: 032 280 12 12 ან გვეწვიეთ მისამართზე: წინანდლის ქ. #9, თბილისი.